- Lyrics
- Album list
金門王&李炳輝
-
無聲的那卡西
Lyricist:林良哲 Composer:陳明章 Arranger:China Blue
在這個無聲無息無人管無風的世界 在這個每日恬靜無暝無光無人瞭解的所在 無聊的心誰人聽見 聽見阮慢慢啊唱出來 這條阮心內的悲歌 你甘知一個人出外是多孤單 你甘知一個人出外是會畏寒 你甘知一個人出外是駛孤帆 你甘知一個人出外是無退路* 啊無聲的那卡西 你怨嘆人價人沒一點溫暖 啊無聲的那卡西 我的日子叫做罔度罔度 (重覆* * ) 甘講這個社會進步變甲攏無天公地道 甘講兄弟朋友感情道義大家當作是蹉跎 你是要怪無情無義的世界 抑是這個社會無血無目屎 只有扞酒來看海 東北風陪阮哭悲哀 啊無聲的那卡西 你怨嘆人和人沒一點溫暖 啊無聲的那卡西 我的日子叫做罔度罔度
------------------------------------------
19630/《無聲的那卡西》Bô-siann ê Na-gá-sih 金門王Kim-mn̂g Ông 李炳輝Lí Píng-hui
佇這个無聲無說 tī tsit ê bô-siann-bô-sueh 無人管 bô-lâng kuán 無風的世界 bô hong ê sè-kài 佇這个每日恬靜 tī tsit ê muí-ji̍t tiām-tsīng 無暝無光 bô-mî bô-kng 無人了解的所在 bô-lâng liáu-kái ê sóo-tsāi 無聊的心 bô-liâu ê sim 啥人聽見 siánn-lâng thiann--kìnn 聽見阮 thiann-kìnn gún 慢慢仔唱出來 bān-bān-á tshiùnn--tshut-lâi 這條阮心內的悲歌 tsit tiâu gún sim-lāi ê pi-kua
你敢知 lí kám tsai 一个人出外 tsi̍t-ê-lâng tshut-guā 是偌孤單 sī guā koo-tuann 你敢知 lí kám tsai 一个人出外 tsi̍t-ê-lâng tshut-guā 是會畏寒 sī ē uì-kuânn 你敢知 Find more lyrics at ※ Mojim.com lí kám tsai 一个人出外 tsi̍t-ê-lâng tshut-guā 是駛孤帆 sī sái-koo-phâng 你敢知 lí kám tsai 一个人出外 tsi̍t-ê-lâng tshut-guā 是無退路 sī bô thè-lōo
啊~無聲的那卡西 ah~ bô-siann ê na-gá-sih 你怨嘆人食人 lí uàn-thàn lâng tsia̍h lâng 無一點仔溫暖 bô tsi̍t-tiám-á un-luán 啊~無聲的那卡西 ah~ bô-siann ê na-gá-sih 我的日子 guá ê ji̍t-tsí 叫做罔度罔度 kiò-tsuè bóng-tōo bóng-tōo ---
敢講這个社會進步 kám-kóng tsit ê siā-huē tsìn-pōo 變甲攏無天公地道 piàn kah lóng bô thinn-kong tē-tō 敢講兄弟朋友 kám-kóng hiann-tī pîng-iú 感情道義 kám-tsîng tō-gī 逐家當做是𨑨迌 ta̍k-ke tòng-tsò sī tshit-thô
你是欲怪 lí sī beh kuài 無情無義的世界 bô-tsîng bô-gī ê sè-kài 抑是這个社會 ia̍h-sī tsit ê siā-huē 無血無目屎 bô hueh bô ba̍k-sái 只有捾酒來看海 tsí-ū kuānn tsiú lâi khuànn hái 東北風 tang-pak hong 陪阮哭悲哀 puê gún khàu pi-ai
啊~無聲的那卡西 ah~ bô-siann ê na-gá-sih 你怨嘆人佮人 lí uàn-thàn lâng kah lâng 無一點仔溫暖 bô tsi̍t-tiám-á un-luán 啊~無聲的那卡西 ah~ bô-siann ê na-gá-sih 我的日子 guá ê ji̍t-tsí 叫做罔度罔度 kiò-tsuè bóng-tōo bóng-tōo
- Special thanks to W.B. Chen for correcting the lyric.
- Related Links: W.B. Chen
|