- Lyrics
- Album list
- Singer Intro
方瑞娥
-
打金仔哥
Lyricist:正一
鏗鏗鏘 乒乒砰 人人叫伊打金仔哥 項鍊手鍊耳鈎戒指 攏打甲金熾熾 三更半暝叮叮噹噹 害阮對伊困袜去 像伊這款打拼男兒 阮愈看愈甲意~呢
鏗鏗鏘 乒乒砰 人人叫伊打金仔哥 趕緊替人打著 一對訂婚的金戒指 不知伊有愛人也沒 想要近前來問伊 忽然聽見乒乒砰 害著阮不敢去唷
鏗鏗鏘 乒乒砰 人人叫伊打金仔哥 提出勇氣近前看伊 叫一聲阿哥哥 看一斯文朝直古意 想要講出我愛你 又擱一聲乒乒砰 話擱再吞落去~呢
鏗鏗鏘 乒乒砰 人人叫伊打金仔哥 原來頭家一個小姐 講要來嫁給伊 不知你是有無甲意 請你對阮來表示 雖然心肝乒乒砰 不敢來聽落去唷
------------------------------------------
8928/《拍金仔哥》Phah-kim-á-ko 方瑞娥Png Suī-ngôo
鋞鋞鏗鏗叮叮噹噹 khin-khin-khiang-khiang tin-tin-tang-tang 人人叫伊拍金仔哥 lâng-lâng kiò i phah-kim-á-ko 袚鍊手鍊耳鉤手指 phua̍h-liān tshiú-liān hīnn-kau tshiú-tsí 攏拍甲金爍爍 lóng phah kah kim sih-sih 三更半暝叮叮噹噹 sann-kinn-puànn-mî tin-tin-tang-tang 害阮綴伊睏袂去 Find more lyrics at ※ Mojim.com hāi gún tè i khùn buē-khì 像伊這款拍拚男兒 tshiūnn i tsit khuán phah-piànn lâm-jî 阮愈看愈佮意 gún jú khuànn jú kah-ì
鋞鋞鏗鏗叮叮噹噹 khin-khin-khiang-khiang tin-tin-tang-tang 人人叫伊拍金仔哥 lâng-lâng kiò i phah-kim-á-ko 趕緊替人拍著一對 kuánn-kín thuè lâng phah tio̍h tsi̍t-tuì 訂婚的金手指 tīng-hun ê kim-tshiú-tsí 毋知伊有愛人仔抑無 m̄-tsai i ū ài-jîn-á ia̍h bô 想欲近前來問伊 siūnn-beh kīn-tsîng lâi mn̄g i 忽然聽見叮叮噹噹 hut-jiân thiann-kìnn tin-tin-tang-tang 害著阮毋敢去唷 hāi-tio̍h gún m̄-kánn khì--iooh
鋞鋞鏗鏗叮叮噹噹 khin-khin-khiang-khiang tin-tin-tang-tang 人人叫伊拍金仔哥 lâng-lâng kiò i phah-kim-á-ko 提出勇氣近前看伊 the̍h tshut ióng-khì kīn-tsîng khuànn i 叫一聲阿哥哥 kiò tsi̍t-siann a-ko--koh 看伊斯文條直古意 khuànn i su-bûn tiâu-ti̍t kóo-ì 想欲講出我愛你 siūnn-beh kóng-tshut guá ài lí 又閣一聲叮叮噹噹 iū-koh tsi̍t-siann tin-tin-tang-tang 話閣再吞落去呢 uē koh-tsài thun--lo̍h-khì neh
鋞鋞鏗鏗叮叮噹噹 khin-khin-khiang-khiang tin-tin-tang-tang 人人叫伊拍金仔哥 lâng-lâng kiò i phah-kim-á-ko 原來頭家一个小姐 guân-lâi thâu-ke tsi̍t-ê sió-tsiá 講欲來嫁予伊 kóng beh lâi kè hōo i 毋知你是有無佮意 m̄-tsai lí sī ū-bô kah-ì 請你對阮來表示 tshiánn lí tuì gún lâi piáu-sī 雖然心肝叮叮噹噹 sui-jiân sim-kuann tin-tin-tang-tang 毋敢來聽落去唷 m̄-kánn lâi thiann--lo̍h-khì iooh
- Special thanks to 寶島歌后方瑞娥粉絲團 for sharing the lyric.
- Special thanks to W.B. Chen for correcting the lyric.
- Related Links: W.B. Chen
|