- Lyrics
- Album list
- Singer Intro
曹雅雯
-
永遠的所在
電影 流麻溝十五號 原創歌曲 Lyricist:曹雅雯 Composer:曹雅雯
命運若像風飄 掛念若像河流 名字像花落佇島上 欲叨位去 無人通講 寄望甘有通 肖想 佇無邊無岸的牆 遮有一群 斷翅的鳥 對叨位來 無人會知 燒啊燒啊無值錢的名份 念啊念啊攏仝款的身份 雙腳行向 無盡尾的路程 新生的人 攏帶著舊傷痕 寫 思念的日子外多 寫 錯過的青春 誰賠 閣卡驕傲 換來一身風霜 湠入夢中 紡見的笑容 行 自由的路猶外長 行 自由的歌聲袂斷 閣卡黑暗 嘛總有一點光 照入心內 永遠的所在
------------------------------------------
19619/《永遠的所在》Íng-uán ê Sóo-tsāi 曹雅雯Tsô Ngá-bûn
命運若像風飄 miā-ūn ná-tshiūnn hong phiau 掛念若像河流 kuà-liām ná-tshiūnn hô lâu 名字像花落佇島上 miâ-jī tshiūnn hue lo̍h tī tó-siōng 欲佗位去 beh tó-uī khì 無人通講 bô-lâng thang kóng
寄望敢有通數想 kià-bāng kám ū thang siàu-siūnn 佇無邊無岸的牆 tī bô-pinn bô-huānn ê tshiûnn 遮有一群 tsia ū tsi̍t-kûn 斷翼的鳥 tn̄g-si̍t ê tsiáu 對佗位來 tuì tó-uī lâi 無人會知 bô-lâng ē tsai
↓↓(口白)---(口白)---(口白)↓↓ 我思念你 guá su-liām lí 母さん khà-sàng 我已經來到火燒島矣 guá í-king lâi-kàu Hué-sio-tó--ah 我佇遮真好 guá tī tsia tsin hó 遮有衫通穿 tsia ū sann thang tshīng 也有飯通食 iā ū pn̄g thang tsia̍h 請你毋通操煩 tshiánn lí m̄-thang tshau-huân 雖然毋知影 sui-jiân m̄ tsai-iánn 為啥物我會佇遮 uī-siánn-mih guá ē tī tsia 毋過我上好 m̄-koh guá siōng-hó 共家己放袂記 kā ka-kī pàng-buē-kì 連名嘛放袂記 liân miâ mā pàng-buē-kì 才有法度繼續落去 tsiah ū-huat-tōo kè-sio̍k--lo̍h-khì Find more lyrics at ※ Mojim.com 只是希望我的冤屈 tsí-sī hi-bāng guá ê uan-khut 會用得早日洗清 ē-īng-tit tsá-ji̍t sé-tshing 較早轉去厝 khah-tsá tńg-khì tshù ↑↑(口白)---(口白)---(口白)↑↑
命運若像風飄 miā-ūn ná-tshiūnn hong phiau 掛念若像河流 kuà-liām ná-tshiūnn hô lâu 名字像花落佇島上 miâ-jī tshiūnn hue lo̍h tī tó-siōng 欲佗位去 beh tó-uī khì 無人通講 bô-lâng thang kóng
燒啊燒啊 sio--ah sio--ah 無值錢的名份 bô ta̍t-tsînn ê miâ-hūn 念啊念啊 liām--ah liām--ah 攏仝款的身份 lóng kāng-khuán ê sin-hūn
雙跤行向 siang kha kiânn hiòng 無盡尾的路程 bô tsīn-bué ê lōo-tîng 新生的人 sin-sinn ê lâng 攏帶著舊傷痕 lóng tuà tio̍h kū siong-hûn
寫 siá 思念的日子偌濟 su-liām ê ji̍t-tsí guā-tsuē 寫 siá 錯過的青春 tshò-kuè ê tshing-tshun 誰賠 siáng puê 閣較驕傲 koh-khah kiau-ngōo 換來一身風霜 uānn lâi tsi̍t-sin hong-song 湠入夢中 thuànn ji̍p bāng-tiong 拍毋見的笑容 phàng-kìnn ê tshiò-iông
行 kiânn 自由的路猶偌長 tsū-iû ê lōo iáu guā tn̂g 行 kiânn 自由的歌聲袂斷 tsū-iû ê kua-siann buē tn̄g 閣較烏暗 koh-khah oo-àm 嘛總有一點光 mā tsóng ū tsi̍t-tiám kng 照入心內 tsiò ji̍p sim-lāi 永遠的所在 íng-uán ê sóo-tsāi
寄望敢有通數想 kià-bāng kám ū thang siàu-siūnn 佇無邊無岸的牆 tī bô-pinn bô-huānn ê tshiûnn 遮有一群 tsia ū tsi̍t-kûn 斷翼的鳥 tn̄g-si̍t ê tsiáu 對佗位來 tuì tó-uī lâi 無人會知 bô-lâng ē tsai
- Special thanks to 55688 for sharing the lyric.
- Special thanks to W.B. Chen for correcting the lyric.
- Related Links: W.B. Chen
|