- Album Intro
- Lyrics
- Album list
- Singer Intro
青虫 aoi
-
落雨天
feat. 阿跨面
Lyricist:吉尼、阿跨面 Composer:吉尼、阿跨面
閣是落雨天 孤單暗暝又閣睏袂去 較想也是你 若毋是猶閣有毋甘願 那會來想著你就袂輕鬆 應該是我對愛猶有向望 才會來講著你就目箍紅 意愛的無一定好鬥陣 鬥陣的無一定用真心 穩定的無一定最後有好消息愛愈深愈看袂清閣是落雨天 孤單暗暝又閣睏袂去 較想也是你 乾焦是鼻著得欲落雨的味 未曾未就開始想你想你想你猶閣掛牢牢 你送的手指 同款佮咱的相片 囥佇桌頂看規工 你愛鼻著花的香味我愛鼻倒手芳 手指掛袂落 人嘛變無仝 花愈挽袂著 伊總是上迷人 我是迷戀的愛 你是迷人的去 無仝的人 煞永遠攏放袂記 花是水掖起來 雨淋蔫去 我的溫柔剝袂掉你身軀的刺 嘛是想過看破愛別人 上好是代誌有遮爾簡單 那會那會情路愈行愈絕望 無的確 我會孤單一世人落雨的暗暝 又閣睏袂去雨水㴙㴙滴 摻著我的珠淚閣是落雨天 孤單暗暝又閣睏袂去 較想也是你目屎參著雨水 目睭攏看袂清 認真的講出妳的真心 叫我認清 冷冰的雙手 妳拭過的面巾 怎樣情字是愈寫愈入心 我是迷戀的愛 你煞是迷人的去 佮記持無仝的人 煞永遠攏放袂記 花是水掖起來 煞去予雨淋蔫去 我的溫柔剝袂掉你身軀的刺閣是落雨天 閣是落雨天較想也是你 較想也是你 閣是落雨天 閣是落雨天 較想也是你
------------------------------------------
22506/《落雨天》Lo̍h-hōo-thinn 青虫aoi 阿跨面(Aquaman)
閣是落雨天 koh sī lo̍h-hōo-thinn 孤單暗暝 koo-tuann àm-mî 又閣睏袂去 iū-koh khùn buē-khì 較想也是你 khah siūnn iā-sī lí
若毋是 nā-m̄-sī 猶閣有毋甘願 iáu-koh ū m̄-kam-guān 哪會來想著你 ná ē lâi siūnn-tio̍h lí 就袂輕鬆 tō buē khin-sang 應該是我 ing-kai sī guá 對愛猶有向望 tuì ài iáu-ū ǹg-bāng 才會來講著你 tsiah ē lâi kóng-tio̍h lí 就目箍紅 tō ba̍k-khoo âng
意愛的 ì-ài--ê 無一定好鬥陣 bô-it-tīng hó tàu-tīn 鬥陣的 tàu-tīn--ê 無一定用真心 bô-it-tīng iōng tsin-sim 穩定的 ún-tīng--ê 無一定最後有好消息 bô-it-tīng tsuè-āu ū hó siau-sit 愛愈深 ài jú tshim 愈看袂清 jú khuànn buē-tshing
閣是落雨天 koh sī lo̍h-hōo-thinn 孤單暗暝 koo-tuann àm-mî 又閣睏袂去 iū-koh khùn buē-khì 較想也是你 khah siūnn iā-sī lí
干焦是鼻著 kan-na sī phīnn-tio̍h 就欲落雨的味 tiō beh lo̍h-hōo ê bī 未曾未就開始想你 buē-tsîng-buē tiō khai-sí siūnn lí 想你想你 siūnn lí siūnn lí 猶閣掛牢牢 iáu-koh kuà tiâu-tiâu 你送的手指 lí sàng ê tshiú-tsí
↓↓(RAP)---(RAP)↓↓ 仝款共咱的相片 kāng-khuán kā lán ê siòng-phìnn 囥佇桌頂看規工 khǹg tī toh-tíng khuànn kui-kang 你愛鼻著花的芳味 Find more lyrics at ※ Mojim.com lí ài phīnn-tio̍h hue ê phang-bī 我愛鼻倒手芳 guá ài phīnn tò-tshiú-phang 手指掛袂落 tshiú-tsí kuà bē-lo̍h 人嘛變無仝 lâng mā piàn bô-kāng 花愈挽袂著的 hue jú bán bē-tio̍h--ê 總是上迷人 tsóng-sī siōng bê-lâng
我是迷戀的愛 guá sī bê-luân ê ài 你是迷人的去 lí sī bê-lâng ê khì 無仝的人 bô-kāng ê lâng 煞永遠攏放袂記 suah íng-uán lóng pàng-bē-kì 花是水掖起來 hue sī tsuí iā--khí-lâi 雨淋蔫去 hōo lâm lian--khì 我的溫柔 guá ê un-jiû 剝袂掉你身軀的刺 pak buē-tiāu lí sin-khu ê tshì ↑↑(RAP)---(RAP)↑↑
嘛是想過看破 mā sī siūnn kuè khuànn-phuà 愛別人 ài pa̍t-lâng 上好是代誌 siōng-hó sī tāi-tsì 有遮爾簡單 ū tsiah-nī kán-tan 哪會哪會 ná ē ná ē 情路愈行愈絕望 tsîng- lōo jú kiânn jú tsua̍t-bāng 無的確 bô-tik-khak 我會孤單一世人 guá ē koo-tuann tsi̍t-sì-lâng
落雨的暗暝 lo̍h-hōo ê àm-mî 又閣睏袂去 iū-koh khùn buē-khì 雨水㴙㴙滴 hōo-tsuí tsha̍p-tsha̍p-tih 摻著我的珠淚 tsham tio̍h guá ê tsu-luī
閣是落雨天 koh sī lo̍h-hōo-thinn 孤單暗暝 koo-tuann àm-mî 又閣睏袂去 iū-koh khùn buē-khì 較想也是你 khah siūnn iā-sī lí
↓↓(RAP)---(RAP)↓↓ 目屎摻著雨水 ba̍k-sái tsham tio̍h hōo-tsuí 目睭攏看袂清 ba̍k-tsiu lóng khuànn bē-tshing 認真仔講出你的真心 jīn-tsin-á kóng tshut lí ê tsin-sim 叫我認清 kiò guá jīn-tshing 冷冰的雙手 líng-ping ê siang-tshiú 你拭過的面巾 lí tshit--kuè ê bīn-kin 怎樣情字 tsuánn-iūnn tsîng--jī 是愈寫愈入心 sī jú siá jú ji̍p-sim 我是迷戀的愛 guá sī bê-luân ê ài 你煞是迷人的去 lí suah sī bê-lâng ê khì 佮記持無仝的人 kah kì-tî bô-kāng ê lâng 煞永遠攏放袂記 suah íng-uán lóng pàng-bē-kì 花是水掖起來 hue sī tsuí iā--khí-lâi 煞去予雨淋蔫去 suah khì hōo hōo lâm lian--khì 我的溫柔 guá ê un-jiû 剝袂掉你身軀的刺 pak buē-tiāu lí sin-khu ê tshì ↑↑(RAP)---(RAP)↑↑
閣是落雨天 koh sī lo̍h-hōo-thinn 閣是落雨天 koh sī lo̍h-hōo-thinn 較想也是你 khah siūnn iā-sī lí 較想也是你 khah siūnn iā-sī lí 閣是落雨天 koh sī lo̍h-hōo-thinn 閣是落雨天 koh sī lo̍h-hōo-thinn 較想也是你 khah siūnn iā-sī lí
- Special thanks to W.B. Chen for correcting the lyric.
- Related Links: W.B. Chen
|